نوابی چکن بریانی
اجزا
بریانی کے چاول دو کپ
چکن آدھا کلو
پیاز چار عدد
گھی چھ کھانے کے چمچ
ثابت لال مرچ تین عدد
ادرک لہسن پیسٹ ڈیڑھ کھانے کا چمچ
خشک میوہ ایک چوتھائی کپ
سفید زیرہ ایک چائے کا چمچ
دار چینی ایک ٹکڑا
لونگ تین عدد
الائچی دو عدد
تیز پات ایک عدد
ہرا دھنیا پودینہ ایک کپ
لال مرچ پاؤڈر ایک کھانے کا چمچ
گرم مصالحہ پاؤڈر ایک کھانے کا چمچ
نمک حسب ذائقہ
تركيب
ایک پین میں ایک چمچ گھی گرم کر کے پیاز اور ثابت لال مرچ تل لیں۔ ٹھنڈا کر کے پیس لیں۔
چکن پر مرچ پیاز کا پیسٹ، دہی، نمک، ادرک لہسن کا پیسٹ لگا کر ایک گھنٹنے کے لیے رکھ دیں۔
دو کھانے کے چمچ گھی گرم کریں اور خشک میوہ تل کر گھی سے نکال کر علیحدہ رکھ دیں۔
باقی دو پیاز کو گھی میں تلیں اور نکال کر رکھ لیں۔
پین میں دو چمچ گھی مزید ڈالیں اور اس میں سفید زیرہ، سرخ کر لیں۔
ساتھ ہی دار چینی، لونگ، الائچی اور تیز پات بھی تل لیں۔
مصالحہ لگی چکن شامل کر دیں اور پانی خشک ہونے تک پکائیں۔
ہرا دھنیا، پودینہ ڈال کر مزید دو منٹ بھونیں۔
چکن میں ہلدی، لال مرچ، نمک اور گرم مصالحہ پاؤڈر ڈال کر اچھی طرح مکس کر لیں۔
آدھی پیالی پانی ڈال کر چکن کو ہلکی آنچ پر پکائیں تاکہ اچھی طرح گل جائے۔
ایک دوسرے پین میں ایک کھانے کا چمچ گھی گرم کریں اور پہلے سے دُھلے ہوئے چاولوں کو پانچ منٹ تک بھونیں۔
تین پیالی پانی ڈال کر چاولوں کو ایک کنی تک پکا لیں۔
اب ایک پھیلے ہوئے پین میں چاول، تلی پیاز اور چکن کی تہہ لگاتے جائیں۔
ڈھکن ڈھک کر اوون یا پھر چولہے پر ہلکی آنچ پر دَم دیں۔
نوابی بریانی کو اچھی طرح مکس کر کے ڈش میں نکال لیں اور تلے ہوئے کاجو بادام سے سجا کر پیش کریں۔
Comments
Post a Comment